Во Општина Битола денес се одржа конститутивната седница на Советот за развој на Пелагонискиот плански регион.
На седницата присуствуваа градоначалниците од сите девет општини во регионот, како и претставници од Центарот за развој на Пелагонискиот плански регион.
Едногласна поддршка доби градоначалникот на Општина Новаци, Стевче Стевановски, кој беше избран за нов претседател на Советот.
Мандатот му го врачи градоначалникот на Општина Битола, Тони Коњановски, кој воедно и претседаваше со седницата.
Советот донесе и две значајни одлуки:
– распишување Јавен повик за избор на претставник од здруженијата,
– отпочнување постапка за избор на претставник од бизнис заедницата.
Со изборот на Стевановски, се очекува Советот да продолжи со засилен фокус на унапредување на регионалната соработка, подобрување на инфраструктурните проекти, поддршка на локалниот економски развој и искористување на потенцијалите на Пелагонија.
Како претседател, Стевановски ќе се залага за транспарентна и ефикасна координација меѓу општините, поголема поврзаност со бизнис секторот и активна поддршка на проекти што носат директни придобивки за граѓаните на регионот.
