Со големо задоволство ја информираме јавноста дека отсега стоматолошките интервенции за деца со невроразличност ќе се изведуваат во Битола, со што се решава долгогодишен проблем на семејствата кои беа принудени да патуваат во Скопје за вакви услуги.
Здравјето на забите кај децата со невроразличност често бара специфичен пристап и интервенции под анестезија. Оваа услуга, која досега беше достапна само во главниот град, отсега ќе се обезбедува и во Битола – без дополнителни трошоци, без исцрпувачки патувања и со максимална грижа во позната средина.
Овој значаен чекор е резултат на меѓуинституционална соработка и здружени напори:
- Стоматолог од ЈЗУ Здравствен дом – Битола
- Анестезиолошки тим од Клиничка болница – Битола
- Современа и функционална опрема во локалната болница
Со оваа иницијатива, Битола станува пример за град кој гради систем на грижа, емпатија и достапна врвна медицина. Во пресрет на месецот на аутизмот, ја потврдуваме нашата посветеност да ги отстраниме сите бариери со кои се соочуваат семејствата на децата со невроразличност.
„Ветивме – Остваруваме!“ Наш мотив останува ист – мирот на родителите и здравјето на нивните деца. – стои во соопштението од Клиничка Болница – Битола.
