Времето денеска наутро ќе биде студено со услови за појава на магла по одделни котлини. Преку денот сончево со мала до умерена локална облачност. Ќе дува слаб до умерен ветер од јужен правец.
-Минималната температура ќе биде во интервал од -7 до -3, а максималната ќе достигне од 8 до 13 степени, најави Управата за хидрометеоролошки работи (УХМР).
Во Скопје утрото студено со услови за појава на магла, во текот на денот сончево со мала облачност и претежно тивко. Минималната температура ќе се спушти до -5, а максималната ќе достигне до 9 степени.
Како што најави УХМР, утре попладне, во текот на ноќта и во сабота претпладне под влијание на влажен и студен бран времето ќе биде променливо облачно со врнежи кои на планините и на повисоките места ќе бидат од снег, а во останатите предели од дожд и ќе преминуваат во врнежи од повремен снег.
В сабота ќе дува умерен, долж Повардарието засилен северен ветер. Потоа во следните два дена времето ќе биде стабилно и суво со услови за појава на магла по котлините. Нови врнежи од дожд се очекуваат во вторник.
