Извршниот директор на „Туркиш ерлајнс“, Билал Екши, по повод инаугуративниот лет рече, дека авиокомпанијата во својата флота има 480 авиони, со летови кон 353 дестинации во 131 држава на сите континенти.
„Охрид со своите природни убавини е новата дестинација на нашата компанија. Тоа што летаме кон најголем број земји кон светот, значи дека не само што ќе донесеме гости од Истанбул туку од целиот свет, а гражаните на Македонија ќе можат преку нашата линија да летаат кон шест континенти“, рече тој
Според претходните најави, летовите на линијата Истанбул – Охрид „Туркиш ерлајнс“ ќе ги реализира четири пати седмично и тоа во понеделник, четврток, петок и недела. Турската авикомпанија за оваа линија ќе користи авиони „Ербас А321“, „Боинг 737-800“ и „Боинг 737-900“ од својата флота.
Премиерот Христијан Мицкоски на насанот рече дека воведувањето нови авиолинии значи побрзо и полесно поврзување со светот, зголемување на туризмот, нови економски можности и унапредување на имиџот на нашата држава.
„Нашата земја има огромен туристички потенцијал. Од живописните планини, прекрасните езера и богатото културно наследство, до топлината и гостопримството на нашите граѓани – сето ова ја прави Македонија атрактивна дестинација за домашни и странски посетители. Затоа, нашата Влада активно работи на креирање политики и мерки што ќе го поттикнат туристичкиот сектор“, рече Мицоски.
На свеченоста присуствуваа и турскиот амбасадор Фатих Улусој, претставници на тур-оператори и хотелските капацитети на охридско-струшката ривиера.
