Со длабока тага и почит ја известуваме јавноста за прераната смрт на Зоран Петковски наша кошаркарска легенда и советник во Советот на Општина Битола.
Популарниот “Петкото” денес почина на 47-годишна возраст покрај неговиот матичен Пелистер каде беше тренер и играч, настапуваше и младинската репрезентатија на Македонија во генерација предводена од тренерот, Митко Луковски.
Покрај тренерска кариера во матичниот КК Пелистер, беше дел од проектот КК Хераклеја.
Зоран Петковски по неговото повлекување од неговата “љубов” кошарката, стана и е дел од Советот на Општина Битола, човек кој со својата посветеност, енергија и љубов кон спортот остави неизбришлива трага во спортскиот живот на Битола.
Неговата поддршка на спортските иницијативи и неговиот несебичен дух ќе останат запаметени како пример за вистински битолски патриот и спортски ентузијаст.
Нека ти е светол патот.
Почивај во мир, наша битолска легенда.
