Александра Трајческа, позната како Aleks, пејачка и изведувачка од Прилеп која моментално живее и твори во Скопје, завчера го објави својот најнов сингл „Те чекам“. Официјалниот музички спот на песната веќе собра над 3500 прегледи.
„Те чекам“ е авторски проект на Горан Пајак Трифуновски, кој ја потпишува музиката, текстот и аранжманот. Песната со својата емоционална и нежна мелодија носи свежа доза поп и современа музика, а вокалниот израз на Aleks дополнително ја нагласува длабоката љубовна порака на композицијата.
Во видеото, режирано од Горан Пајак Трифуновски, се прикажуваат сцени исполнети со емоции и силна атмосфера. Во продукцијата учествува бројна актерска екипа и професионален тим кои се заслужни за визуелната реализација на проектот.
Александра Трајческа активно ја гради својата музичка кариера, истражувајќи различни жанрови и музички изрази. Можете да ја следите на Инстаграм, Фејсбук и ТикТок, каде редовно споделува нови содржини и информации. А сега, препуштете се на емоциите и уживајте во „Те чекам“.
