Во саботата на 18ти мај во Панорамика Дизајн Хотел во Скопје се одржа Марили Бизнис Форумот 2024. Во агендата на форумот беа вклучени три панел дискуси на многу актуелни теми и тоа: Екологија и здрава храна – фактори за одржлив развој, Здрава храна – тренд или предуслов за здрав живот и економски развој и Дигитализација и автоматизација во областа на човечките ресурси. Во склоп на самиот бизнис форум се одржа и 28-мото издание на манифестацијата “Избор на најуспешни жени менаџери” на која 13 менаџерки добијаа статуетка “Жена водилка” од кои десет се менаџерки од Македонија, а три од Србија и Хрватска.
Оваа манифестација години наназад претставува јакнење на женското претприемништво и лидерство, особено во застапеноста на жените на лидерски и одлучувачки позиции, нешто на што треба континуирано да се работи. Манифестацијата „Избор на најуспешни жени“ преку својот Марили Бизнис Клуб спојува над 150 жени менаџери кои соработуваат, се вмрежуваат, охрабруваат, организираат хуманитарни настани, но и ги поттикнуваат младите девојки и жени да влезат и да се остварат во бизнис сферата.
Претставнички од секторите финансии и маркетинг на КС Групација беа дел од овој бизнис форум. Нашите вработени активно ги следат сите актуелни настани и случувања во нашата земја. Нашиот менаџерски тим се залага за родова еднаквост при работењето и активно ја поддржува борбата за родова рамноправност во општеството и бизнисот.
