„Ако од која било причина договорот не се исполни, што е многу малку веројатно, тогаш пукањето започнува посилно од кое било досега“, рече американскиот претседател, додавајќи дека воените сили на САД ќе останат околу Иран сè до исполнување на, како што рече, вистинскиот договор.
Претседателот на САД, Доналд Трамп, соопшти дека американските воени бродови и авиони заедно со воениот персонал ќе останат околу Иран сè до исполнување на, како што рече, вистинскиот договор. Предупреди дека ако од која било причина договорот не биде исполнет, тогаш САД ќе започнат со пукањето, посилно од кога било.
„Сите американски бродови, авиони и воен персонал, со дополнителна муниција, оружје и сè што е неопходно за смртоносно гонење и уништување на веќе значително деградираниот непријател, ќе останат во и околу Иран, сè додека целосно не се исполни вистинскиот договор. Ако од која било причина не се исполни, што е многу малку веројатно, тогаш пукањето започнува поголемо и посилно од кое било досега. Беше договорено, одамна, и покрај целата лажна реторика за спротивното – нема нукеларно оружје и Ормускиот Теснец ќе биде отворен и безбеден“,
пишува Трамп во објава на Трут соушл.
Техеран претходно соопшти дека би било неразумно да се продолжат преговорите за траен мировен договор во услови кога Израел спроведува интензивни напади врз Либан во кои се убиени стотици луѓе пренесува 360степени.
