Денеска, заменичката министерка за европски прашања, Викторија Трајков, ќе реализира работна посета на општина Прилеп, каде што ќе се сретне со градоначалникот Борче Јовчески.
Според известувањето од Министерството за европски прашања, Трајков во Прилеп ќе ги презентира потенцијалите за зголемена употреба на европските фондови во остварувањето на предвидените проекти во општините.
Се очекува Европската Унија да ги објави новите јавни повици за користење на европските фондови оваа есен, кои претставуваат исклучителна можност за секоја општина активно да учествува и да ги искористи.
Во текот на посетата на Прилеп, заменичката министерка Трајков ќе ја посети и компанијата „Бимфуд ДОО“, заедно со директорот на Агенцијата за финансиска поддршка во земјоделството и руралниот развој, Илија Стоилев.
Оваа компанија, со поддршка од средства преку ИПАРД програмата, успешно го модернизираше своето производството.
Посетата на општина Прилеп е дел од низата посети на заменичката министерка Трајков, како дел од активностите на Министерството за европски прашања за подобро промовирање на европските фондови, со чија помош се овозможува поквалитетен живот за граѓаните.
