Три пожари од утрово се активни на територијата на државата, соопштија од Центарот за управување со кризи (ЦУК).
Од вкупно регистрирани 30 пожари, изгаснати се 23, а четири се ставени под контрола.
Гори на три локации и тоа во Општина Гевгелија на планината Кожуф, кај селото Петрово, Во Општина Македонски Брод, над селото Бенче на планината Добра Вода и во Општина Студеничани, меѓу селата Цветови и Драчевица, кај местото викано Умово.
Под контрола се ставени два пожари во Општина Гази Баба, од кои едниот е во село Трубарево, а вториот во село Виниче, кај местото викано Муратица, како и тие во Општина Студеничани, кај селото Батинци и во Општина Демир Хисар каде гореше градска депонија.
