Тешки телесни повреди се здобил 52-годишен возач од Кавадарци во сообраќајна несреќа што се случила во Прилеп.
Според информациите од Министерството за внатрешни работи, несреќата била пријавена на 29 јули околу 14:45 часот на крстосницата меѓу улиците „Тризла“, „Горан Миноски“ и „11 Октомври“. објави Скопје1.мк
Во судирот учествувале патничко возило „Фолксваген“ со кавадаречки регистарски ознаки, управувано од З.Б. (52) од Кавадарци, товарно возило „Мерцедес“ со прилепски регистарски ознаки, кое го управувал С.Т. (39) од селото Мало Коњари, како и патничко возило „Сузуки“ со прилепски регистарски ознаки, управувано од Д.А. (27) од Прилеп.
Во несреќата тешко бил повреден возачот на „Фолксвагенот“, З.Б., а повредите му биле констатирани во Градската болница во Прилеп.
Увид на местото на несреќата извршила увидна екипа на ОВР Прилеп, а се преземаат мерки за целосно расчистување на околностите под кои се случила сообраќајната несреќа.
