Турскиот репрезентативен напаѓач, Чеди Осман веројатно ќе недостига во полуфиналето на Евробаскет 2025 против Грција.
Родениот охриѓанец сè уште се бори со повредата што ја заработи во четвртфиналето на ФИБА Евробаскет 2025 против Полска и не учествуваше на тренингот вчера.
„Лекувањето на Чеди е во тек, тој не можеше да тренира со тимот денес. Неговата состојба ќе биде јасно позната за време на натпреварот“ – изјави тренерот Ергин Атаман за турските медиуми по тренингот.
Чеди Осман беше виден како куца и се движи бавно додека излегуваше од тимскиот автобус пред тренингот, очигледно чувствувајќи непријатност.
Ѕвездата на Панатинаикос беше клучен дел од серијата без пораз на Турција на турнирот со просек од 14,9 поени, 2,4 скока и 1,6 асистенции по натпревар додека шутираше 51,2% од линијата за три поени.
Полуфиналето помеѓу Турција и Грција започнува во денес со почерток од 20:00 часот.
Фото: (A News SPORTS
