Градоначалникот на општина Битола, Тони Коњановски, заедно со директорот на КЈП „Нискоградба“, Зоран Талевски, денеска извршија увид во градежните активности за реконструкција на мешовитата канализациона мрежа на улицата „Панде Кајзеро“.
Проектот се реализира со средства од првиот повик за капитални инвестиции од Владата за 2024 година, во вредност од 3.249.089 денари. Реконструкцијата опфаќа две независни линии – Крак 1, во должина од 309,70 метри, кој се поврзува со улицата „Илинденска“, и Крак 2, долг 50,80 метри, кој се поврзува со улицата „7-ми Јули“.
Старите бетонски цевки се заменуваат со нови, современи коругирани ПЕ цевки, класа SN 8, со внатрешен пречник од 300 мм, што ќе овозможи подобра отпорност и функционалност на системот.
Веднаш по завршувањето на канализационата мрежа, ќе започне втората фаза за изградба на нов коловоз во должина од 380 метри. И оваа фаза е поддржана од истиот повик од Владата, со инвестиција од 5.385.770 денари.
Фото: Општина Битола
