Екс младинскиот репрезентативен голман Давид Денковски кој настапува во босанскиот шампионат за екипата на ХШК Посушје имаше ‘хорор’ повреда на вчерашниот меч во босанскиот шампионат.
Пред крајот на натпреварот од 10-тото коло, помеѓу неговиот тим ХШК Посушје и гостинската екипа на Широки Бријег која заврши со нерешен исход (1-1), гостинскиот фудбалер Фрањо Посавац, обидувајќи се да ја стигни топката, буквално го ‘шутна’ македонскиот голманот Денковски, во главата.
Натпреварот беше во прекин повеќе од 10-тина минути иако во тек беше судиското продолжение, а оние кои го следеа мечот на АренаСпорт ТВ и во живо на стадионот на ХШК Посушје видоа една од оние ситуации што не сакаме да ги гледаме на спортските терени.
Екс голманот на Вардар, Брера, Пехчево, Брегалница и Шкупи, Давид Денковски заврши со крваво лице и дрес.
Играчот од противничкиот тим на Широки Бријег, Фрањо Посавац, доби црвен картон, во меѓу време на екс голманот на младата репрезетнација на Македонија, Денковски му беше дадена лекарска помош, според информации од неговиот клуб Посушје се работи за скршеница на носот но и покрај тоа храбриот Денковски го доигра натпреварот за својот тим поради веќе направените и искористени измени на неговиот тим.
Родениот кумановчанец, Денковски ова лето потпиша едногодишен договор со босанскиот прволигаш со опција за продолжување на соработката а дојде од редовите на Шкупи, каде имаше 53 настапи во Првата Македонска лига.
Фото ХШК Посушје/Принтскрин АренаПремиум ТВ/Давид Денковски
