Општина Новаци и оваа година го организира традиционалниот „Фестивал на жетвата“, кој ќе се одржи на 18 и 19 јули 2025 година (петок и сабота) во прекрасниот амбиент на манастирот „Рождество на Пресвета Богородица“ во Новаци.
Фестивалот, кој веќе прераснува во препознатлива летна манифестација во регионот, нуди богата програма за сите генерации од најмладите до највозрасните, спојувајќи ја традицијата со современиот дух на забавата.
Програма – Фестивал на жетвата Новаци 2025
18 јули (петок)
19:00 ч. – Детска програма: Жешки водени лудории со Заги
20:00 ч. – Детска театарска претстава „Рибарот и златната рипка“ – во изведба на Театар Колозов
20:50 ч. – Фолклорни настапи од МГА „Везилка“ – Новаци
21:00 ч. – Свечено отворање на фестивалот и обраќање на градоначалникот Стевче Стевановски
21:15 ч. – Сатиричен настап на Игор Димовски – „Пауза за ракија“
23:00 ч. – Голем вечерен концерт со Анета Арсовска и оркестар Фаворити
19 јули (сабота)
19:00 ч. – Детска претстава „Заги се враќа од Америка“
20:00 ч. – Мјузикл за деца „Пинокио“
21:00 ч. – Свечено затворање и доделување благодарници и признанија за најуспешните земјоделци од Општина Новаци
21:30 ч. – Настап на легендарниот Наум Петрески
23:00 ч. – Гала концерт со Борче Наумовски – Министерот, Адријана Ацеска и група TWINS
Фестивалот на жетвата е вистинска можност за сите посетители да уживаат во уметноста, традицијата, музиката и автентичниот дух.
