ИТ системот на ФЗО имаше прекин на работата на 6 февруари откако беше мета на сајбер-напад, меѓутоа од Фондот велат дека според анализата на експертските технички тимови утврдено е дека не се „излеале“ податоците надвор од базата
Технички тимови работат за целосна функционалност на системот, велат од Фондот за здравствено осигурување беше мета на сајбер-напад.
Од тие причини, сè уште се исплатени парите за боледувања, породилни отсуства и рефундации. Исплатите ќе се направат, велат од ФЗО, кога системот ќе се стави во целосна функција.
„Во однос на исплатата на боледувањата, породилното отсуство и рефундацијата, Ве информираме дека со ставање на системот во целосна функција ќе бидат исплатени сите обврски на ФЗО кон осигурениците, но и кон здравствените установи. За проблемот со кој ФЗО се соочува, ве известуваме дека ФЗО ги користи капацитети и знаењата на сите внатрешни и надворешни ИТ експерти за кои има правна можност. Во однос на осигуреници кои поради која било причина менуваат матичен лекар (вклучително и поради пензионирање на претходниот матичен лекар) изготвени се насоки за матичните лекари како да постапуваат во таков случај“,
пишува во соопштението од Фондот.
Од ФЗО велат дека во меѓувреме издале неколку привремени решенија со кои се надминуваат дел од проблемите, како и дека во овој момент се во комуникација со јавните здравствени установи за да ја прибере потребната документација за исплата на плати ан здравствените работници.
Оттаму информираат и дека сите нивни подрачни служби примаат барања од осигурениците, а достапни се и на телефон.
„Подрачните служби на Фондот во континуитет ги примаат барањата, покрај ова, Подрачните служби се достапни и телефонски преку јавно објавени линии за информации за осигурениците, на кои истите можат да се обратат и да добијат информации во врска со сите решенија кои се усогласени со матичните лекари а преку кои осигурениците можат да ја остварат здравствената заштита“,
велат од Фондот.
ИТ системот на ФЗО имаше прекин на работата на 6 февруари откако беше мета на сајбер-напад, меѓутоа од Фондот велат дека според анализата на експертските технички тимови утврдено е дека не се „излеале“ податоците надвор од базата.
