Дуелот од 29. коло од ПМФЛ во Струмица, заврши со успех на фудбалерите на ФК Пелистер кои забележаа триумф на гостувањето кај со 1-0. Во 5-тата минута “зелено-белите” добија удар од 11 метри, откако со рака играше Велкоски од струмичкиот тим. Пеналот во гол го претвори капитенот Мирко Ивановски.
Во 35-тата минута АП Брера по проверка на ВАР, главниот судија Игор Стојчевски досуди најстрога казна за струмичани но битолскиот голман Андреј Јовчевски го одбрани ударот на Филип Михаилов.
АП Брера во вториот дел испроба неколку тактички варианти со новиот тренер, Шефки Арифовски но без успех да постигнат гол. Трите бода ги носат битолчани во битката за опстанок и со оваа победа имаат 32 бода, бод помалку од АП Брера а 4 повеќе од Работнички кој е на 10. место и ги чека директен дуел на 2-ри Мај во Скопје.
