Фудбалскиот клуб Пелистер активно работи на екипирањето за новата сезона, со цел да создаде стабилен и конкурентен состав кој ќе ги брани боите на зелено-белите.
Клубот ја продолжи соработката со искусниот Христијан Грозданоски, централен дефанзивец од Битола со долгогодишно искуство во Првата лига. Тој е познат по својата сигурност во одбраната, лидерски квалитети и професионален пристап, а во последните сезони е еден од столбовите на зелено-белиот тим. Продолжувањето на договорот со Грозданоски обезбедува континуитет и стабилност во одбранбената линија, а неговото искуство е од голема важност за развојот на младите играчи во составот.
Продолжена е и соработката со младите фудбалери Христијан Стојановски и Габриел Крстевски, кои веќе се докажаа во првиот тим и претставуваат значаен дел од иднината на Пелистер.
Со комбинација на искуство и младост, клубот гради состав кој ќе биде подготвен да одговори на сите предизвици во претстојната сезона.
Раководството и стручниот штаб најавуваат дека активностите околу комплетирањето на екипата продолжуваат, а нови информации ќе следуваат во периодот пред нас.
