Марјан Секуловски: „Респект за Шкендија, но одиме по позитивен резултат во Тетово.“
„Добро работиме во изминатите 10 дена и задоволен сум од ангажманот на играчите. Првиот натпревар ни е против Шкендија и во овој период се обидовме да поставиме работи што ќе ни бидат корисни за утрешниот дуел. Имаме максимален респект за противникот — нивните резултати во првенството, Купот и особено во европските натпреварувања зборуваат сами за себе. Ние ќе се обидеме да одиграме максимално сконцентрирано и да ги искористиме шансите што ќе ни се укажат.“
Христијан Грозданоски: ,,Подготвени за Шкендија – одиме по позитивен резултат.“
„Со новиот тренер тренираме одлично во изминативе две недели и атмосферата е на високо ниво. Подготвени сме за утрешниот предизвик против Шкендија, го познаваме противникот и одиме во Тетово по позитивен резултат.“
Судии на натпреварот од 25.коло в Тетово се судиите: Игор Стојчевски, него ќе му помагаат Мартин Петковски и Филип Ицковски,за ВАР-от се задолжени: Влатко Илијоски и Борис Трајков.
