Денес во село Гермијан беше спроведена акција за чистење на поројот, со цел подобрување на хигиената, заштита на животната средина и превенција од поплави.
Оваа активност на Општина Новаци, ЈКП Комунална хигиена Новаци и АД Водостопанство подружница Битолско поле придонесува да се отстрани отпадот, насобраната отпадна материја и да се врати и ослободи природниот тек на поројот.
Оваа акција претставува важен чекор во насока на подигање на свеста за зачувување на природата и заедничката одговорност што ја имаме кон нашето село.
Чистите порои и речни корита се гаранција за поголема безбедност, здравје и квалитетен живот. Ваквите активности не се само еколошки, туку и општествени – ја јакнат заедницата, ја подигаат свеста за одржливо живеење и придонесуваат за поздрава животна средина.
