Вечерва на бензинските станици во Прилеп се забележува зголемена гужва, при што возачите чекаат во долги редици за точење гориво.
На повеќе локации низ градот се создадени колони од возила, а дел од граѓаните велат дека чекале подолг временски период за да дојдат на ред.
Според очевидци, зголемениот број возила предизвика застој во сообраќајот во околината на бензинските станици.
Дел од возачите полнат резервоари до максимум, а има и случаи каде што се точи гориво во дополнителни канистри.
Засега нема официјална информација за причините за зголемената побарувачка, но граѓаните коментираат дека стравот од евентуални поскапувања е една од причините за создадената гужва.
Надлежните апелираат на смиреност и рационално користење на горивото.
