Денес, во Општина Прилеп се одржа официјална прес-конференција на која со особено задоволство го најавивме одржувањето на еден од најголемите летни настани во Македонија – ПИВО ФЕСТИВАЛОТ 2025, кој ќе се одржи од 18 до 20 јули (петок, сабота и недела), токму викендот по Петровден!
На прес-конференцијата заедно со нас беше и Бојан Велевски, кој оваа година ќе биде водител и дел од ПР тимот на организаторите – сигурен знак дека не очекува уште еден врвен и професионален фестивал!
Прилеп повторно ќе пулсира во ритамот на музиката, добрата енергија и долгата фестивалска традиција!
Очекуваме десетици илјади посетители од целата држава и регионот, кои ќе уживаат во тридневната програма!
Општина Прилеп, како традиционален поддржувач и домаќин на фестивалот, и оваа година преку Програмата за култура обезбеди поддршка од 1 милион денари, со што ја потврдуваме нашата заложба за поддршка на големите манифестации кои го збогатуваат културниот и туристичкиот живот на градот.
Во координација со организаторите, веќе се работи на финалните подготовки. Јавните комунални претпријатија се целосно подготвени за хигиената, логистиката, паркингот и безбедноста – затоа што Прилеп знае како да биде одличен домаќин!
Голема благодарност до сите угостители, пиварници, компании, волонтери и институции кои со своето учество и поддршка го прават овој фестивал она што е – симбол на летото во Прилеп.
Драги граѓани од Македонија и пошироко – ве покануваме од 18 до 20 јули во Прилеп!
Дојдете да бидеме дел од најголемата летна журка во државата – со многу музика, скара, пиво и незаборавна атмосфера!
