Во духот на Божиќ и вековната традиција, денес во Прилеп ги пречекавме Бадниковите поворки, носејќи ја пораката „Со Божиќната радост срца да стоплиме“!
Градските улици беа исполнети со детски искрени насмевки и пораки за љубов, мир и заедништво, оние вредности што ја носат вистинската суштина на Божиќ и не обединуваат како народ.
“Упатувам благодарност до Здружението „Бадникови поворки“, до сите организатори, поддржувачи и учесници, а најмногу до нашите најмлади, кои со својата чиста енергија и искреност го разубавија овој празничен ден. Вие сте најубавиот доказ дека традицијата живее и се пренесува на вистински начин, од срце, од поколение на поколение.
Општина Прилеп секогаш ќе ги поддржува ваквите настани, затоа што тие не потсетуваат на значењето на љубовта и верата во нашите животи.
Нека Божиќната радост донесе мир, топлина и среќа во секој дом.
Ви ги честитам Божиќните празници и ви посакувам здравје, благосостојба и успех во новата година.” – истакна градоначалникот Дејан Проданоски.
