Во чест на нашиот сограѓанин, спортист и голем човек Зоран Петковски – Петкото, Одбојкарскиот клуб „Пелистер Волеј“ организира хуманитарен натпревар од 4. коло во Супер лигата. Натпреварот ќе се одигра во сабота, на 1 ноември 2025 година, со почеток во 17:00 часот во спортската сала „Боро Чурлевски” во Битола.
Со овој настан, клубот и спортската заедница испраќаат порака на солидарност и поддршка за семејството на Зоран Петковски – Петкото, човек кој секогаш со огромна љубов и посветеност го даваше својот придонес за спортот.
Средствата од продажбата на влезниците ќе бидат донарани на семејството на Зоран Петковски, а на двата влеза од салата ќе бидат поставени кутии за доброволни донации.
Од ОК „Пелистер Волеј“ ги повикуваат сите битолчани, љубители на спортот и пријатели на Петкото да присуствуваат на натпреварот и заедно да ја покажат својата хуманост и поддршка.
Сабота, 1 ноември 2025 | 17:00 часот | Спортска сала „Боро Чурлевски“, Битола
