Четвртиот одводен канал, како дел од системот за одводнување во Пелагонија, со кој стопанисува АД Водостопанство – Битолско Поле во вкупна должина од 5758 метри е целосно исчистен од страна на претпријатието со сопствена механизација и е подготвен да ги прифати подземните и атмосферски води од наредниот период.
Каналот е од витално значење по чија траса се протега, почнувајќи од близината на општина Могила па се до атарот на селата Долно Оризари и Крамани, прифаќајќи ги надворешните води од ридовите на селата Кукуречани и Крклинио и внатрешните води од ниските делови на полето – истакна Игор Швигир раководител на АД Водостопанство Битола.
АД Водостопанство – Битолско Поле продолжува со активна работа на терен и чистење на каналите во нејзина надлежност и воедно испраќа апел до граѓаните да не се фрла градежен шут и отпад во каналите, а со тоа да покажеме повеќе грижа и зачувување на животната средина.
