Европските берзански индекси денеска бележат претежен пораст, додека суровата нафта од типот „Брент“ се тргува над 106 долари за барел. Пазарите во Велика Британија реагираа со пад на приносите од државните обврзници, откако премиерот Кир Стармер децидно ги отфрли повиците за оставка по слабите резултати на Лабуристите на локалните избори.
Според податоците од 09:30 часот, цената на суровата нафта падна за 1,36 проценти на 100.810 долари, додека типот „Брент“ бележи пад од 1,31 процент на 106.358 долари.
Инвеститорите во овој период се фокусирани на деловните извештаи на големите германски корпорации како „Алијанц“, „Дојче Телеком“, „РВЕ“ и „Порше“. Германскиот гигант „Сименс“ веќе најави нова програма за откуп на акции вредна шест милијарди евра, по објавената нето добивка од 2,03 милијарди евра во првиот квартал.
Глобалното внимание е насочено и кон претстојната средба меѓу Доналд Трамп и Си Џинпинг. Иако Белата куќа сè уште нема објавено детален распоред, се очекува клучни теми да бидат трговските односи и војната на Блискиот Исток.
На берзите, индексот DAX во Франкфурт порасна за 0,66 проценти, францускиот CAC 40 за 0,18, додека британскиот FTSE 100 бележи скок од 0,78 проценти. Еврото на Форекс берзата се тргува за 1,17186 долари.
