Црна Гора од 1 октомври 2026 година ќе го укине безвизниот режим за државјаните на Русија, како дел од усогласувањето на својата визна политика со правилата на Европската Унија во рамки на пристапните преговори.
Со новите правила, руските државјани повеќе нема да можат да влегуваат во земјата без виза, иако досега имаа право на престој до 30 дена. Покрај Русија, визен режим ќе биде воведен и за државјаните на Турција, Кина, Белорусија, Катар, Бахреин и Обединетите Арапски Емирати.
За полесна примена на новите мерки, компанијата VFS Global ќе започне да прима барања за црногорски визи во осум градови во Русија, меѓу кои Москва, Екатеринбург, Воронеж и Новоросијск шренесува булевар.
Одлуката би можела да има влијание и врз туристичкиот сектор, имајќи предвид дека руските туристи со години се меѓу најбројните посетители на Црна Гора. Според достапните податоци, во текот на минатата година земјата ја посетиле околу 230.000 руски државјани.
Усогласувањето на визната политика претставува една од клучните обврски што Црна Гора ги презема во процесот на пристапување кон Европската Унија, со цел постепено усогласување на националното законодавство со европските стандарди.
