Во текот на вчерашниот ден, според извештаите во Секторот за операции и координација во Центарот за управување со кризи (ЦУК), противпожарните тимови интервенирале на 24 пожара, некаде заеднички – здружени од повеќе општини, а и со помош од локалните жители, како и со воздухопловна поддршка од ДЗС и МВР.
Утрово еден пожар се води како активен – во Општина Прилеп, кај с.Алинци, каде што гори ниска вегетација, се уште чади само депонијата што исто така е опожарена, а пријавен е уште еден пожар. Регионалниот ЦУК Прилеп извести дека околу 04:40 часот утрово избувнал пожар при што гори ниска вегетација и деградирана шума кај с.Небрегово, во Општина Долнени. Во гаснењето на пожарот, интервенирале четири пожарникари од ТППЕ Прилеп со 1 ПП возило.
Вчерашните изгаснати 24 пожари, при што горела сува трева, ниска вегетација, деградирана шума, а и мешана и борова шума, биле во 12 општини: Илинден, кај с.Бучинци; Петровец, Стрелиште Чојлија; Општина Долнени, кај с.Слепче, с.Гостиражни, с.Секирци, с.Стровија и кај с.Новоселани; Прилеп, кај с.Загорани и кај кај фабрика „Комфи Ангел“; Крушево, с.Норово; Кривогаштани, 1 с.Кривогаштани; Струмица, кај с.Сушица, с.Куклиш, с.Вељуса и кај с.Водоча; Гевгелија, с.Ново Конско; Кичево, с.Челиковци; Куманово, кај населбата „Бедиње“ и кај с.Романовце; Липково, кај с.Матејче и кај с.Ваксинце и во Општина Кратово, кај с.Коњух, каде што горела ниска вегетација, грмушки, ниска шума, една штала и неколку напуштени куќи, информираат од ЦУК.
