Ново име во битолскиот трократен шампион е, 20-годишен лев бек, Малик Татар, кој важи за еден од најталентираните млади играчи во Словенија и подолго време го привлекува вниманието на ракометните скаути низ Европа. Малик Татар е роден во Целје но неколку години е член на Горење Велење.
Со карактеристики кои го привлекоа вниманието на повеќе европски клубови, нашиот нов лев бек со право беше во бележниците на многу ракометни познавачи. Наше е задоволството да го потврдиме неговиот трансфер. 20-годишниот лев бек Малик Татар е нов член на Еурофарм Пелистер.
Татар оваа сезона ја изигра на позајмица во екипата на Шкофја Лока која заврши во првата половина во словенечката ракометна лига и тој постигна 166 голови од 655-те голови на својот тим.
Словенечкиот талент со Е.Пелистер се обврза на двегодишен договор и ќе биде претставен на почетокот на подготовките за следната сезона. По Татар, тимот на Лино Червар за сезоната 2025/26 се засили и со: Котар, Серафимов, Белистојаноски и Џелиловиќ.
Фото Ројтерс
