Лино Червар говореше за неговиот нов ангажман во Битола и Македонија пред хрватските медиуми поточно порталот 24сати. Се согласив на двегодишен договор, и по добрите македонски спомени од Металург кој го однесе во клупски височини и златната ера во неговиот осумгодишен мандат, освои: седум трофеи и две четвртфиналиња во Лигата на шампионите.
Многумина ракометни стручњаци не мислеа дека ќе се врати, на тренерската клупа, Лино Червар (75). Но популарниот во Хрватска, „Маго ди Умаго“, сите ги изненади и веќе од следната сезона, ќе биде тренер на Еурофарм Пелистер, кој во последните три години е дел од Лигата на шампионите како македонски број еден.
– Пелистерци имаа голема желба да дојдам. Со оглед на тоа што не можам да работам тука, морам да го пренесам моето знаење и искуство во странска земја, на туѓи деца. Имам поинакво мислење, теорија на тренинг, но не можев да работам тука – изјави кратко Лино Червар за хрватските медиуми.
Червар пред македонската спортска и битолскат ракометна јавност ќе биде претставен на крајот од овој месец според информации од клубот.
Сè друго е познато, светски и олимписки победник со Хрватска, најтрофеен хрватски тренер со седум медали од големи натпреварувања. На Светското првенство во Египет во 2021 година, тој последен пат беше на тренерската клупа, но неговата волја не избледе.
фото насловна- Лука Странцл Пиксел
фото текст – бјонсен
