Во текот на денешниот ден, 16 август 2025 година (сабота), како и утре, 17 август 2025 година (недела), две екипи на ЈКП „Водовод“ – Битола интензивно работат на завршната фаза од проектот Битола – Логоварди – Поешево.
Со овој значаен инфраструктурен зафат, жителите од регионот ќе добијат целосно нова водоводна мрежа во должина од 6 километри, изработена од полиетиленски цевки, со поставени нови приклучоци.
Целта на проектот е обезбедување квалитетно и сигурно водоснабдување за сите корисници, со што ќе се подобри животниот стандард и секојдневното функционирање на населението.
ЈКП „Водовод“ Битола упатува апел до граѓаните за разбирање и трпение за време на изведбата на градежните активности и потсетува дека компанијата останува секогаш во служба на граѓаните.
