Фудбалерите на ФК Шкендија триумфираа и на натпреварот во Скопје во рамките од првото квалификациско коло во Конференциската лига на УЕФА со 1:0 против ФК Европа од Гибралтар.
Тетовскиот тим реши се во првиот меч на гостински терен кога славеа убедливо со 5:0, и практично рутински го одработија мечот во Македонија.
Голот за Шкендија беше постигнат во 86. минута од страна на Ване Крстевски по асистенцијата на Арбин Зејнулаи. ФК Шкендија во второто квалификациско коло ќе игра против Браво од Словенија.
Првиот меч ФК Шкендија ќе го игра на гости на 23 јули, а реваншот е седум дена подоцна во Македонија на Националната арена „Тодор Проески“.
Екипата на Силекс испадна во првото коло од квалификациите за Лигата на Конференции од белорускиот, Динамо Минск. Вчера на Петар Милошевски, тренинг центарот каде ја пречекаа, екипата од Белорусија беше подобра по изведувањето на пеналите со конечни 5:6, откако во регуларниот дел беше 0:1 за Динамо Минск.
По завршувањето на мечот имаше тензија на теренот, откако одлучувачкиот пенал за гостите , играчот на Динамо Минск го прославуваше пред играчите на Силекс.
Силекс – Динамо Минск 0:1 (0:1) 5:6
Комплекс Петар Милошевски
Гледачи: 800
Главен судија: Мариус Хансен Грета (Норвешка)
Стрелци: Малашевич 16
Силекс: Џеков, Џеков, Анѓелески, Шеро (Дегимаџац 46), Хасукиќ (Мишов 76), Донов, Ефтимов (ВЕлиновски 69), Шуберт, Бутуровиќ, Богдановски, Пановски (Тимовски 90)
Динамо: Шимаковиќ, Малашевич, Селјава, Варданиан, Жечко, Вакулич, Калинин, Џимет, Абдулахи, Гурбан, Бегунов.
