По поразот на Еурофарм Пелистер од Загреб во Лигата на шампионите, тренерот Рубен Гарабаја неочекувано си поднесе оставка, тој во изјавата кон играчите и љубителите на ракометот вели:
„Сакам да потенцирам дека по натпреварот со Алкалоид не почувствував поддршка од амбиентот. Очекував реакција во Загреб, но со оглед на тоа што таа реакција не дојде, се одлучив да ја понудам мојата оставка. Сметам дека мое заминување во овој момент ќе предизвика позитивна реакција кај тимот и ракометарите. Сакам да им се заблагодарам на сите ракометари, со кои имам одличен однос, и да им посакам успех во продолжение на сезоната. Голема благодарност до клубот за ова мое искуство и многу среќа во иднина“, кажа шпанскиот стратег.
Денес потврдена е и оставката и од клубот од каде пишуваат:
РК Еурофарм Пелистер ја информира јавноста дека тренерот на екипата Рубен Гарабаја поднесе оставка од својата позиција и клубот ја прифати истата. Гарабаја заминува од Битола пред истекот на договорот и клубот наскоро ќе назначи негов наследник.
Со Гарабаја на клупата клубот го освои Суперкупот на Македонија и одигра достоинствени десет натпревари од Лигата на шампионите за сезоната 2025/25. – стои во соопштението од Еурофарм П.
Од клубот исто така информираат дека за само десетина минути по оставката на тренерот Рубен Гарабаја, раководењето со тимот до крајот на полусезоната ќе го преземе клупскиот директор Звонко Шундовски.
