По обилните врнежи што ја зафатија Битола и околината, екипите на Јавното претпријатие „Водовод“ покажаа високо ниво на подготвеност, професионалност и посветеност, реагирајќи навремено на сите пријавени проблеми на терен.
Со ангажирање на механизација и стручни екипи ЈП „Водовод“ – Битола учествуваше во интервенциите во селото Кравари, каде што се работеше на расчистување и нормализирање на состојбата, а активностите продолжуваат и денеска на потегот кај селото Логоварди, со цел целосно отстранување на застоените води и спречување на дополнителни ризици за населението и инфраструктурата.
Благодарение на навремената реакција и координацијата со останатите јавни претпријатија и институции, беа спречени поголеми штети и нарушувања во водоснабдувањето, а граѓаните добија сигурност дека системот функционира и во услови на екстремни временски прилики.
Од Општина Битола упатуваат благодарност до екипите на ЈП „Водовод“ за нивната пожртвуваност и ангажман, особено што дел од интервенциите се реализираа и во доцните вечерни часови, за време на празничната ноќ.
ЈП „Водовод“ – Битола и понатаму останува на терен, подготвено да реагира со цел навремено решавање на сите предизвици и обезбедување безбедни и стабилни услови за граѓаните на Битола и околните населени места.
Фото: Општина Битола
