Јавното комунално претпријатие „Водовод“ – Битола ги информира граѓаните дека во следниот период ќе спроведува засилени контроли на водоснабдувањето, со цел обезбедување непрекинато и квалитетно снабдување со питка вода.
Покрај редовните теренски проверки и работни активности, екипите на ЈКП „Водовод“ ќе интервенираат кај корисниците кои енормно или бесправно ја користат водата за пиење. Во овој период се планира исклучување на сите бесправно поврзани на водоводната мрежа.
Од претпријатието апелираат граѓаните да не ја користат питката вода за наводнување на поголеми површини, туку рационално да ја користат за основни потреби. Секоја злоупотреба, како и поседувањето див приклучок, ќе биде санкционирана со соодветна пријава.
Дополнително, на станарите во висококатници им се укажува да ги користат своите хидрофорски постројки за непречено снабдување со вода.
