Со цел да се запознаат со светот на книгата, а пред се да се подобри говорот, битолската библиотека овозможува бесплатно зачленување на децата од предучилишна возраст.
Приказните се чудесен свет кој треба да им го пренесеме на наште деца, свет во кој треба да се вљубат, а подоцна и да го спознаат она латентното кое се крие зад нив, да направат споредба со ликовите и ситуациите кои понатаму ќе им помогнат во полесно расудување на животните проблеми. Преку книгата децата да ја осознаат реалноста… Постојат безброј поводи кои треба да не „освестат“ дека читањето на книги е луксуз кој можат да си го дозволат само оние кои знаат што е вистинско богатство од зборови, приказни, текстови, раскази, басни…
Освен фундаменталната причина, од градската библиотека го посочуваат и учењето на јазикот со слушање на книгите кои ќе им ги читаат нивните родители. Детето го учи јазикот преку слушањето и гледањето на оној кој што зборува.
Затоа, на официјалната фејсбук страна на НУ универзитетската библиотека „Св. Климент Охридски“ – Битола, околу истата цел, опишуваат.
