„Нетфликс“ планира да почне да тестира игри за телевизори. Ова го тврди програмерот Стив Мосер, кој откри скриени поставки во апликацијата на „Нетфликс“.
Мосер тврди дека открил скриена порака која гласи: „За играње на вашиот телевизор, потребен е контролор. Дали сакате да го користите овој телефон како контролор за игри?“ Освен тоа што платформата ќе нуди нов материјал за забава, се елиминира и потребата за купување контролор.
Мосер откри претходни приспособувања на апликацијата кои подоцна биле потврдени. Меѓутоа, останува нејасно дали „Нетфликс“ ќе ја користи функцијата за играње игри на телевизор со телефон.
„Нетфликс“ веќе нуди игри за преземање на телефон, но според податоците, само околу 1 отсто од претплатниците ги презеле овие игри.
Останува да видиме како компанијата ќе ги имплементира игрите на телевизорот и дали ќе бара од корисниците да ги преземат игрите пред да ги играат.
