Иако неговиот последен филм „Елвис“, во кој го игра менаџерот на пејачот Том Паркер, е фаворит за најдобар филм на овогодинешните Оскари, Том Хенкс во понеделникот беше малку изненаден кога дозна дека заработил три номинации за наградата „Златна малина“.
Тој беше номиниран за наградата „Златна малина“ за две улоги: онаа на менаџерот на Присли во биографскиот филм „Елвис“ и за улогата на Џепето во римејкот на Дизни на филмот „Пинокио“.
Во соопштението за медиумите на организаторите на наградите „Златна малина“ се наведува дека улогата на Хенкс во филмот „Елвис“ е „најлошата изведба во 2022 година“. Дополнително беше номиниран во категоријата „најлош филмски пар“, а тоа е „Том Хенкс и неговото лице полно со латекс (со смешен акцент)“.
И додека филмот „Елвис“ и неговата ѕвезда Остин Батлер се пофалени од критичарите, улогата на Хенкс како негов менаџер, полковникот Том Паркер, беше жестоко критикувана од многумина.
„Пинокиото на Дизни“ е меѓу петте номинирани за „најлош филм“ за овогодинешната награда „Златна малина“, заедно со контроверзниот биографски филм за Мерлин Монро наречен „Русокоса“. Во рецензијата на Њујорк Тајмс пишува дека Хенкс се појавува во филмот „Пинокио“ со многу латекс на лицето и има бизарен акцент. Номинациите за „Златна малина“ обично се објавуваат ден пред објавувањето на номинациите за Оскар. Хенкс е на потесниот круг за Оскар за најдобар актер во филмот „Човек наречен Ото“
