На 11 јуни 2025 година, КС Групација успешно ја реализира својата 15-та крводарителска акција, во соработка со Црвен крст Битола и Службата за трансфузиологија при ЈЗУ Клиничка Болница „Др. Трифун Пановски“.
Настанот се одржа во просториите на компанијата во Битола и беше отворен за сите вработени и граѓани со желба да помогнат.
Во акцијата учествуваа 27 дарители, кои со своето учество направија вистинска разлика и придонесоа за спасување животи.
Вклучени беа вработените од сите компании кои делуваат во рамки на КС Групацијата:
• Евротип
• Голд Слот
• Голд Фелициа
• Премиум Сејфти Солушн
• 77 Ентертејнмент
• 77 Софт
Срдечно благодариме и на нашите партнери Mint Fintech и JK Travel, кои уште еднаш покажаа дека грижата за заедницата е заедничка вредност што не обединува.
Настанот беше збогатен и со присуството на претседателката на Општинската организација на Црвен крст Битола, Лилјана Ристевска, која изрази благодарност за континуираната соработка и поддршка од страна на КС Групацијата.
КС Групацијата верува дека дарувањето крв е едноставен гест што може да има огромно значење за нечиј живот. Со редовната организација на вакви акции, компанијата продолжува да гради култура на одговорност, добрина и солидарност.
Во знак на благодарност за нивната стручна поддршка и посветеност, КС Групација подари симболични подароци на тимовите од Црвен крст и трансфузиолошката служба на Клиничка болница Битола.
Ви благодариме на сите што се одзваа. Заедно сме посилни, а секое учество носи надеж.
