24-годишниот М.К. од Скопје, баран по девет централни потерници за издржување затворска казна од 11 години и три месеци, беше приведен на 26 јануари 2025 година околу 22:30 часот на улицата Караорман во Битола.
„Лицето беше барано од Казнено-поправните установи Затвор Идризово и Затвор Скопје, како и од Основното јавно обвинителство Скопје“, соопштија од Министерството за внатрешни работи.
Приведувањето го извршиле полициски службеници од Секторот за меѓународна полициска соработка – Отсек потраги, во содејство со СВР Битола и Одделот за криминалистичка полиција. При интервенцијата, кај М.К. била пронајдена и одземена марихуана.
По приведувањето, тој бил предаден во Полициската станица Битола за понатамошна постапка.
