Барселона за првпат гостува во Битола, а во салата Боро Чурлевски се очекува голема подршка и распродадена сала за рекордно време.За сите оние кои нема да бидат можност како и за сите битолски фанови во дијаспората Македонската Телевизија ќе прави телевизиски пренос на МРТ3.
За очекувањата од овој дуел со свои изјави дадоа тренерот Гарабаја и играчот Видомски.
“Барселона е една од најдобрите три екипи во светот. Секој натпревар против нив е посебен, затоа што имаат мнигу ѕвезди и многу добри ракометари. Мора да бидеме фокусирани на сите детали. Ракометниот има помош од фудбалскиот клуб, нивната структура е извонредна. Таму сите ракометари се фокусирани само на настапите.
Секој тим против Барса максимално се бори, но само до одреден момент. При секое губење на концентрацијата, тие постигнуаат 3-4 брзи голови од контра напади, бидејќи имаат одлична одбрана и најдобар голман во светот”, – изјави Рубен Гарабаја, тренер на Е. Пелистер.
Играчот Видомски со свое видување за вечеташниот меч против силниот гостин од Шпанија:
“Првите минути ги одиграв против Охрид и атмосферата во салата беше извонредна. Во Плоцк дебитирав во Луигата на шампионите, но можеби не одиграв толку добро. Сепак, тоа беше само првиот чекор и верувам дека ќе биде подобро.
Барса игра многу добро, во некои сегменти игра слично како Висла Плоцк. Знаеме како треба да играме и ќе се обидеме да го дадеме нашето најдобро издание. Сакам да ги повикам фановите, ни треба нивната помош”.
Натпреварот од ракометната Лига на Шампиони во Битола помеѓу Е.Пелистер и Барселона се игра вечерва со почеток од 20:45 часот.
Покрај полна сала во „Боро Чурлевски“ од страна на битолчани се очекува свое шоу да имаат навивачката група “Чкембари” кои викендов на мечот ФК Пелистер – Динамо Букурешт го прославија својот јубилеј заедно со нивниот “зелено-бел” фудбалски миленик – Фудбалскиот клуб Пелистер .
