Екипата на ФК Силекс по двете победи во низа, првата во првенството против Тиквеш и потоа во Купот над Башкими во Куманово, се вратија насмеаните лица во таборот од Кратово.
Кратовчани утре во рамките од 10. коло во ПМФЛ го пречекуваат битолски Пелистер во обид да ја продолжат победничката серија.
За разлика од кратовци, пелистерци имаат дијаметрално спротивен скор и бараат надеж за бодови на гостувањето во Кратово по разочарувачката партија во Купот на Македонија каде беа елиминирани од Шкендија А.
„После двете победи во првенството, и пред се во Купот, полека се вративме во победнички ритам. Тоа придонесе да се подобри атмосферата, после трите последователни порази. Сето тоа го оставаме зад нас и се фокусираме кон следниот предизвик, а тоа е дуелот против Пелистер на домашен терен. Сите сме подготвени да дадеме максимум. Силекс на секој натпревар оди на победа, така ќе биде и на мечот со Пелистер. Ќе дадеме се од себе да стигнеме до три бода“, изјави Дарко Додев,
кој е играч од средниот ред во тимот предводен од дуото Васоски – Бојовиќ.
Мечот е закажан за 13:30 часот со пренос на МРТ3.
