ВМРО-ДПМНЕ ОК Битола денеска ќе одржи свеченост по повод 35 години од основањето на партиската организација во Битола.
Настанот ќе се одржи во Заводот и музеј – Битола (Пацио), со почеток во 20.00 часот.
На свеченоста се очекува присуство на бројни членови, симпатизери и пријатели на партијата, како и граѓани кои ја поддржуваат идејата за просперитетна и развиена Битола.
Во рамките на настанот ќе биде промовиран и д-р Тони Коњановски како кандидат за градоначалник на општина Битола, кој ќе се кандидира за втор мандат.
Од ВМРО-ДПМНЕ ОК Битола истакнуваат дека Коњановски во првиот мандат се покажал како човек со визија, искуство и решителност, кој внесе нова енергија и вистински промени во локалната самоуправа.
„Заедно продолжуваме по патот на победата“, порачуваат од ВМРО-ДПМНЕ ОК Битола, повикувајќи ги сите граѓани да присуствуваат на настанот и да дадат поддршка на иднината на Битола.
