„80 години знаење, традиција и инспирација!“ – порачуваат од Националната Установа Универзитетска Библиотека „Св. Климент Охридски“ во Битола на денот на почетокот на одбележувањето на овој голем јубилеј.
Денеска започнува одбележувањето на 8 деценискиот јубилеј, со дискусија за улогата и значењето на оваа врвна културна установа.
25 март (вторник)
Панел-дискусија на тема:
„Библиотеката – срце на заедницата: 80 години култура, знаење и иновации“
Локација: Офицерски дом – Europe House Bitola
Почеток: 12:00 часот
Библиотеката ги гради добрите реалации со целата заедница, јубилејот ќе измине и со читателите во фокусот.
26 март (среда)
Доделување на награди во просториите на Библиотеката, во 12:00 часот, како признание за:
најпосветените читатели,
најдобрите библиотечни приказни,
роднокрајните автори,
како и благодарници за поранешните вработени
Поддршката за роднокрајните писатели чии трудови се објавуваат во Зборник, годинава се вградени во промоцијата на книгата на Игор Трајковски – Фоја.
Промоција на книгата:
„Епски ехо: Поезијата на меморијата на слободата“
Автор: Игор Трајковски – Фоја
Локација: Библиотека
Почеток: 18:00 часот
Светскиот ден на поезијата се одбележува на 21 март и бил прогласен од УНЕСКО во 1999 година, „со цел да се поддржи јазичната разновидност преку поетско изразување и да се зголеми можноста да се чујат загрозените јазици и , да им даде свежо признание и поттик на националните, регионалните и меѓународните поетски движења. “
27 март (четврток)
Поетски настан:
„Стихови што обединуваат“, посветен на Светскиот ден на поезијата
Локација: Читална „Горан Стефановски“
Почеток: 18:00 часот
(Во соработка со Македонското научно друштво)
Промоција на книгата:
„Факсимили на роднокрајни автори“ – членови на ДПМ
и претставување на каталогот посветен на Горан Стефановски, во Читална „Горан Стефановски“
Одбележувањето на големиот јубилеј ќе се заокружи на 28 март со свечена академија.
28 март (петок)
Свечена академија по повод јубилејот
Локација: Офицерски дом
Почеток: 19:00 часот
Од Градска Народна Библиотека во 1945 година, до Национална установа – Универзитетска библиотека, битолската библиотека современа културна институција којашто се стреми да стане вистинска виртуелна библиотека, да навлезе во сè повисокиот степен на задоволување на научно-истражувачките и образовните потреби на крајниот корисник, без тој да се грижи од каде и како пристигнала бараната информација, што е возможно само со натамошен развој на современото автоматизирано библиотечно работење.
Во холот на библиотеката поставена е изложба којашто ја претставува 80 годишната историја.
