Прилеп денеска е домаќин на една посебна рокенрол прослава во клуб Калинка.
The Hounds, еден од препознатливите прилепски бендови, вечерва го слават својот 18-ти роденден.
За некого само бројка. За The Hounds – илјадници часови музика, проби, концерти, патувања, дружења, смеа, еуфорија и безброј моменти поминати заедно со нивната публика.
Вечерва нивни гости се Дејан Ефтинџиоски, Cyrillic, Dj Јове и познатиот гитарист Дамјан Пејчиноски.
Ги очекува вечер исполнета со рокенрол, добро познати песни, енергија и атмосфера која низ годините стана препознатлива за нивните настапи.
