Американскиот рокер Дејвид Крозби, ко-основачот на The Byrds и Crosby, Stills, Nash&Young, почина на 81-годишна возраст, објавија во четвртокот американски медиуми.
Магазинот Variety прв ја објави смртта на угледниот музичар кој остави длабока трага во рок и народната музика во 1960-тите и 70-тите, повикувајќи се на изјава на неговата сопруга Јан Денс, која рече дека музичарот починал по „долго боледување“.
Магазинот Rolling Stone ја потврди веста повикувајќи се на извор близок до уметникот.
Variety објави дека Крозби починал со сопругата и синот Џанго покрај него, но не прецизира датум. „Иако повеќе не е со нас, неговата хуманост и добрина ќе продолжат да ни бидат пример и извор на инспирација и во иднина. Неговото наследство ќе живее преку неговата легендарна музика“, истакнува тој.
Како што истакнува Variety, веста за смртта на Дејвид Крозби е неочекувана затоа што неговиот профил на Твитер беше сè уште активен во средата.
