Младите ликовни уметници Меланија Кондовска, Ангела Цветковска, Леа Стерјев, Ана Полизовска, Сара Наумовска, Сирма Спиркоска, Анастасија Наумчевска и Томислав Атанасовски, членови на детското ликовно студи „Св. Кирил и Методиј“-Битола освоија награди на светски ликовен фестивал што се одржа во Индија.
Наградите за најдобар индивидуален пристап во ликовната уметност им ги додели Школа за детска ликовна уметност „Мудра“, а ликовните творби се изложени во изложбениот салон на Факултет за ликовни уметности при Универзитет Барода во Индија.
На светскиот ликовен конкурс во Индија кој годинава се организираше под наслов „The United World Child Art Exhibition”, освен младите ликовни уметници од Северна Македонија, учествуваа и нивни врсници од Австралија, Бугарија, Египет, Унгарија, Израел, Русија, Турција, Украина и домаќинот Индија.
