Како што розите растат на трнливо стебло така и овој прекрасен светител се роди од родители незнабожци, во селото Тавата близу Газа Палестинска. Родителите го дадоа на науки во Александрија, каде што како надарено момче брзо ја прими и светската ученост и духовната мудрост. Штом Го позна Христа и се крсти, посака целосно да Му се предаде на служба на Господа. Со таа желба во срцето Иларион појде и го посети свети Антониј во пустината и стана негов ученик. Потоа се врати во својата татковина и се подвизуваше близу Мајум, кај Газа. Демоните го плашеа со разни застрашувања, но со молитва кон Бога и со знакот на крстот постојано ги победуваше и ги изгонуваше. Околу него се собраа мноштво љубители на духовниот живот и за Палестина свети Иларион стана она што за Египет беше свети Антониј. Како Божествен учител, нерасслаблив подвижник, прекрасен чудотворец, Иларион беше уважуван не само од христијаните туку и од незнабошците. Плашејќи се од човечките пофалби и говорејќи си со плач: „Тешко мене, ја примив на земјата својата плата!“, тој бегаше од место во место само за да се скрие од луѓето и да остане сам со својата душа и со Бога. Така се населуваше и извесно време живееше во Египет, во Сицилија, во Далмација и најпосле на Кипар, каде што го заврши својот земен живот околу 372 година, кога имаше осумдесет години. Неговиот ученик Исихиј чудотворните мошти на свети Иларион ги пренесе во Палестина и ги положи во манастирот што го основаше тој.
- Дома
- Вести
- Македонија
- Денеска се празнува Преподобен Иларион Велики
Денеска се празнува Преподобен Иларион Велики
-
Од Setaliste
Leave a Comment
Поврзани
-
Македонците потрошија 573 милиони евра во 2023 година на Интернет пазарењето
Од Setaliste пред 9 часа -
Денеска е Св. пророк Еремија
Од Setaliste пред 14 часа -
Пожари беснеат кај Кавадарци и кај Велес - Забрана за движење кај стрелиштето „Леково“
Од Setaliste пред 14 часа -
Кои се најбројни туристи во Македонија?
Од Setaliste пред 15 часа -
УХМР најавува локална нестабилност со дожд во попладневните часови
Од Setaliste пред 16 часа -