Последната полна месечина во годината, позната и како „студена месечина“, ќе се појави вечерва – ноќта помеѓу понеделник и вторник.
Врвот ќе биде ноќеска во 1.33 часот по средноевропско време, соопшти НАСА, а полната месечина ќе биде видлива до четврток наутро.
Декемвриската „студена месечина“ потекнува од традицијата на племето Мохавк, а името го добила по студеното време на крајот на годината.
Полната месечина во декември се нарекува и „долга ноќ на месечината“, бидејќи се јавува околу зимската краткоденица, кога е најдолгата ноќта во годината. Годинава тоа беше помеѓу 21 и 22 декември.
