Овој колач е идеален за сите љубители на чоколадо и овошни десерти, а подготовката е многу едноставна и брза… Уживајте!
Состојки:
125 гр путер
лажица какао во прав
четвртина чаша брашно
170 гр чоколадо за готвење
100 гр замрзнати малини
четири лажици џем од малини
половина чаша шеќер
три јајца
прстофат сол
Подготовка:
Загрејте ја рерната на 180 степени. Калапите за мафини намачкајте ги со путер и посипете ги со мешавина од какао во прав и брашно. Во соодветен сад растопете путер и чоколадо, а потоа изладете ги. Изгмечете ги малините и измешајте ги со џемот. Јајцата со шеќер и малку сол изматете ги со миксер, па додајте ја чоколадната смеса. Потоа додадете го брашното и сè добро измешајте. Во калапите истурете малку чоколадна смеса, одозгора ставете една лажица смеса од малини, па покријте со преостанатата чоколадна смеса. Печете во рерна 14 минути, а потоа извадете и послужете веднаш.
Уживајте!
